ઐક્ય

       મારાં હૈયાનાં દરબારમાં,

                    મેં 

       એક પ્યારભરી બેઠક રાખી છે.

       એની પીઠ ઉપર પ્રીતની પિછવાઈમાં ,

                     દરેક બિંદુ  ઉપર ;

       વ્હાલના મોતી મઢાવ્યા છે.

                       હું 

      શ્રદ્ધા પૂર્વક તારાં આગમનની 

                    રાહ જોઉં છું.

      તું તારાં પ્રેમથી સભર 

      હૈયા સાથે,અને પૂર્ણ આશિષ સાથે 

      એ આસન ઉપર બિરાજશે.

                    ત્યારે હું 

      પૂર્ણ ભક્તિથી,હૃદયના ઉલ્લાસથી 

      કશું પણ બોલ્યા વિના ,પ્રસન્ન ચિત્તે 

      દરબારીઓથી વિદાય લઇ 

                  તને મારાં 

       છેલ્લાં વંદન કરી 

       તારું -મારું ઐક્ય સાધીશ.!

                                           બેલા 

                                       ૨૧જુલાઇ૨૦૧૨ 

                                            ૧૧.૨૦.એ.એમ.