મનીષા

    શ્યામ ! 

   તારો મેઘઘટા જેવો રંગ .!

   વીજળીની ચમક જેવું હાસ્ય !

   વારિધારા  જેવી કૃપાધારા !

   બની રમમાણ તુજ ભજનમાં ,

   પામીશ આશિષ તારાં  !

   ઉરની એ એક જ મનીષા !!

                    બેલા\4\9\2013 

મનીષા

   કૃષ્ણ ! ચરણે તવ નમું નિરંતર ,

   મદનમોહન !હે ગિરિધારી !

   તુજ દર્શન પર વારિ જાઉં ,

   હે મુરલીધર,!બનવારી !

   વંકાયેલા મુખ પર શોભે ,

   મુકુટ ,મોરપિચ્છ-ધારી !

   હાથો માં સોહે છે કંકણ ,

   મનમોહન હે ત્રિપુરારી !

   વૃદાવનમાં બંસીબટ પર .

   બંસરીમાં એક ફૂંક મારી !

   ગોપ-ગોપી સંગ રાસ રચાવ્યો ,

   વચમાં સોહે રાધા દુલારી !

   "બેલા" મુગ્ધ બનીને નીરખે ,

    ઓ કાન્હા ! લીલા તારી !

    બની રમમાણ તુજ ભજનમાં ,

    પામીશ કૃપા ,ઓ મનહારી !

                     બેલા\૩૧\૫\૨૦૧૩\૩.૪૫.પી.એમ.