મિલન

જીવન સરિતા સરતી  ગઈ,

અનેક નાના મોટા ખડકોથી અથડાતી ગઈ ;

આવ્યો એક નવીન વળાંક ,ને વળી ગઈ ,

સફળતાનાં ઘૂઘવતા સાગરમાં તરંગ બની મળી ગઈ .

                                              ??

મિલન

 

            શ્યામ ! તમે વાદળ ગગનનાં,

                 હું માટીની મહેક ;

             ઊંચી ઊચી ફોરું તો યે 

             પહોચું કેમ કરીને છેક ?

                           અમી વરસાવો ઝરમર ઝરમર ,

                                  વાયુની તો લહેંક ;

                           વારિ ધાર સહારે આવું, 

                                   ધીમી લેતી ઠેક.

             ફૂલ "બેલા"નાં પાલવમાં સમાવી,

                    વધાવું હરિ સુરેખ ;

              મેઘધનુ હિંડોળે હીંચે ,

                    રાધાવર વિઠલેશ .!!

                                                      બેલા 

                                                         ૧-૧-૧૯૯૨ /૫.૨૫.પી.એમ