ક્યાં ક્યાં હું શોધું તુને શામળિયા
છુપાછુપીથી હું તો હારી!
એક વાર જરા ઝલક બતાવી દે
તો થઇ જાઉં આખીયે તારી!--શામળિયા છુપા છુપીથી હું તો હારી
વ્રજમાં રાધાને રમાડીને કાન તે તો
કાયમની અળગી કીધી !,
મીરાંની મો'બતમાં એવો લોભાણો
કે કાળજામાં પૂરી દીધી!--શામળિયા છુપછુપીથી હું તો હારી
'તુલસી'નો રામ અને 'નરસી'નો શ્યામ બની
'દયા'ને પ્રીતમે તાળી દીધી
'બેલાને ' ભવની ભવાટવીના ગુચવાડે
મઝધારે મેલી દીધી!?-------શામળિયા છુપછુપીથી હું તો હારી.