વસંત

  

ખીલી જુઓ વસંતે આ લતિકા ,

ખુશ્બુ ભરી "બેલા" ઝૂમે, બની હર્ષિતા .

સોનલવર્ણી સૌમ્ય રાધિકા,

સોહે ,સોનચંપા માલ ધરિકા !

આ વસંતમાં, દીસે ઉલ્લાસિતા ;

કલેજે કૃષ્ણ-પ્રેમ ધારીકા .

શ્રીઘરની  છે આરાધિકા ,

ગુંજે,કુંજે સહી કર તાલિકા ;

હરિ રીઝે, દેખી સ્વયંની પ્રેમિકા ,

હીંચાવે હિંડોળે , ચગાવી વલ્લરીકા ! ! ! 

                                13/2/2024 

                                 6.30 પી એમ .

વસંત

 કુંપળ ફૂટવાના દન્ન આયા,

 હો રાજ,આ વાસંતી વાયરા વાયા.

      શિયાળુ સાંજના તાપણા ઓલાણા,

      ને પંખીડા એ પરભાતિયા ગાયા.

 કેસૂડે કેસૂડે ટસરો ફૂટી 

 અને ભમરાએ ગીત રેલાવ્યા 

       વાયુની વાંસળીને સાથ પુરાવે કાં'ન 

       ગેબી કો' તાન સુણાવ્યા.

 રાધિકા ઘેલી બની,ગોપીઓની સંગે આવી ,

 "બેલા"નાં ફૂલે વધાવ્યાં 

    હો રાજ આ વાસંતી વાયરા વાયા !

                                              બેલા 

                                              ૮-૨-૨૦૦૮ /૫.૩૦પિ.એમ.