 |
ધરતીને માતા કહી છે અને પ્રકૃતિએ અનેક રંગ રંગના, અનેક પ્રકારના અને અનેક પ્રકારની સુગંધોવાળા ફૂલોની ; -આ માતાને, મહેકનો આનંદ આપવા અને માતાના શૃંગાર અર્થે , ઉત્પત્તિ કરી છે . આ ફૂલોથી ધરતી કેવી શોભાયમાન બની છે ? ! વળી, એ ફૂલો ઉપર ,પરોઢિયે ઝાકળ રૂપી મોતી પણ પરોવે છે ! ; જે , ક્યારેક મેઘધનુષી બની ધરતીને ખિલખિલ મુસ્કુરાહટ આપે છે .
માનવી આ અનુપમ અને અમુલખ ભેટ લઇ દેવળમાં જઈ પોતાના આરાધ્યને ચરણે ધરે છે , તથા આ ફૂલોમાંથી હાર , બાજુબંધ , કંગન ,ઝુમખા દામણી જેવાં શણગાર બનાવી આરાધ્યને પહેરાવી એમની શોભા વધારે છે . પ્રકૃતિની આ અઢળક દેનનો ઉપયોગ, માનવી , સ્વ-સંસારમાં આવતાં પ્રસંગો , જેવાં કે , લગ્ન , જન્મદિન, વિજયોત્સવ , સન્માન સમારોહ , ઉપરાંત વાર તહેવારે તોરણ તરીકે વાપરવામાં કરે છે . 50\60 વર્ષો પહેલાં કન્યાઓ ગૌરી વ્રતની ઉજવણી વખતે , વધુઓ સીમંત પ્રસંગે ,ફૂલોમાંથી બનાવેલા શણગાર સજતી - જેને 'વાડી ભરી " જેવાં શબ્દોથી નવાજવામાં આવતી .
આમ આ પ્રકૃતિદત્ત ફૂલોની મહત્તા જ કાંઈક અનેરી છે . તો , બનાવટી , એટલે કે કાગળમાંથી, પ્લાસ્ટિકમાંથી ,કે રેશમી દોરી \કપડામાંથી બનાવેલાં ફૂલોનું પણ મહત્વ ઓછું નથી ! પ્રાકૃતિક ફૂલોનો જીવનકાળ ટૂંકો હોય છે અને એને ચૂંટવા નિતદિન જવું પડે છે . ક્યારે ક ઠાર પડવાથી કે વધુ પડતા તાપથી ફૂલો પ્રમાણમાં ઓછાં મળે છે ; ત્યારે માનવીએ પર્યાય રૂપે આવાં બનાવટી ફૂલોની શોધ કરી અને મેહનત કરી અસ્સલ કુદરતી જેવાં જ દેખાય તેવા ફૂલોનું સર્જન કર્યું ! વળી, તેમાં પ્રાકૃતિક ફૂલોના અર્કમાંથી બનાવેલ અત્તરની સુગંધ છાંટી એને સુગંધિત પણ કર્યા ! આમ આ બનાવટી ફૂલો આરાધ્ય સિવાય બીજે બધે વપરાવા લાગ્યા . આ ફૂલો કરમાતા ન હોવાથી ઘરની શોભા માટે વાઝમાં મુકવા ઉપયોગી થયાં છે . વખત જતાં જો ધૂળથી મેલા લાગે તો ધોઈ , ફરી અત્તર છાંટી વાઝમાં ગોઠવી શકાય છે .
આરાધ્ય અને શુભ પ્રસંગે ફક્ત પ્રાકૃતિક અને બીજે બધે બન્ને પ્રકારનાં ફૂલ ઉપયોગમાં લેવાય છે . આ રીતે . પ્રકૃતિદત્ત અને માનવકૃત બન્ને પ્રકારનાં ફૂલોનું આગવું સ્થાન અને મન છે ; એ જ એનું મહત્વ છે . અસ્તુ .