નયણાં તવ દર્શનનાં પ્યાસા,
વાટ જોઈ જોઈ થાક્યાં.
અનિલની લહેરખી આવે ,
તુજ બદનની ખુશ્બૂ લાવે ;
હૈયામાં એક આશ જગાવે,
મારાં પુણ્ય હવે આ ફળ્યાં.......નયણાં..
મેઘધનુમાં તુજને નીરખું ,
વીજ -ઝબકારે હું યે સબકુ ;
વર્ષાનાં ફોરાથી થરકું ,
પુરાશે ટમટમતી મુજ આશા ....નયણાં..
ઋતુ ચક્રનાં ચકરાવે ચઢી ગઈ ,
દિન-માસ ને વરસો ગયાં વહી ;
ભૂલ્યાં તમે મુને મિલન વેણ દઇ !
આવી પહોંચી જીવન-સંધ્યા ....નયણાં ....
આવો હરિ ! હવે આવો હરિ !
પાંપણમાં વસી જાઓ હરિ !
"બેલા"નાં ફૂલની સુવાસ યે ગઈ ;
જીવનનાં સુક્કાં ઉપવનમાં.નયણાં ..
બેલા \૧૦\૧૧\૨૦૧૩
૮,૦૦ એ.એમ.