ફરિયાદ

-----તારા ચરણ કમલ અશ્રુથી પખાળું ,

-----તવ ચરણદ્વીજ પાંપણોથી પોંછું ;

-----તવ પાદ -પંકજનું પ્રીતે પૂજન   કરું ,

-----તવ ચરણાર્વિન્દને કુસુમ અર્પું ;

-----મારા શામળા ! આ હૈયું ચરણે ધર્યું ,

-----મનસા ,વાચા ,કર્મણા ,તવ રટણ કર્યું ;

-----હજી યે તેં "બેલા"નું  સ્મરણ ના કર્યું ? ! 

                                            24\4\2020 

                                                11.30 પી.એમ. 

ફરિયાદ

 

                                               ઓ રે મારાં શ્યામ !

                                               શું ત્યાં તારાં ગો -લોકમાં ,

                                               બેઠો બેઠો મઝા માણે છે ?

                                                                  દેખાતું નથી તને ?

                                                                  સંભળાતું નથી તને ?

                                                                  તારી આ "બેલા" તડપે છે ,

                                                                  વિનવે છે,કરગરે છે ,

                                                             પણ ,

                                              તું તો ત્યાં રાધાજી સંગે ;

                                              હિડોળે હિલોળાં લે છે .

                                                                   આ લોકમાં કોઈ ઝૂરી મરે ,

                                                                   સંતાપમાં દાઝી મરે ,

                                                              તારે શું ?

                                             તું તો બસ ,

                                             તારી વાંસળી વગાડી ;

                                             ઝૂમ્યા કર .

                                                            નિર્દય !!!

                                                                                              બેલા 

                                                                                           ૩-૫-૨૦૧૨ /૯-૫૦ પી.એમ.