અમીધાર

----મેઘામ્બર છવાયો ,ને અમીધાર વરસી રહી 

-----ફૂલ ફૂલ ને પાન  પાન ને ,હુલાવતી,હસાવતી રહી ,

-----જુઓ , આ ગુલમહોર ,કેવો ખીલ ખીલ રહ્યો ડોલી ,

-----ગરમાળાનાં  ફૂલ તો સહજ  , રહયાં વર્ષાને નમી। 

-----પંખીગણ  કલબલે કલરવ કરી ,મયુર ઠમકે મેઘને આવકારી ! 

-----આવશે મારો શામળો , સોચી, 'બેલા" વિલસી રહી ;

-----પાથરે જાજમ અનોખી ,એનાં  સુગંધિત ફૂલ કેરી।  ! 

                                                          26\9\2019 

                                                                  6.45.પી.એમ. 

અમીધાર

ખરેખર તો અશબ્દ રહીને જ,

વરસાવે હેતની હેલીને 'તે ',

દુનિયાની સમજણ ખોટી છે ;

નાહક વગોવી અમીધારને 'તે'

હૃદય ભીંજાયું નહીં,ને,ફક્ત કર્ણ --

અધિર,ચહે સુણવાને ,શું ઊચ્ચરે 'તે ',

વર્ષા-ધારનો નિનાદ રણઝણાવે ,'તે ' ,

ગર્જન અંબુજનું ,શબ્દ તે જ,સુણાવે 'તે '.

સમજાય તે સમજે ,શબ્દ એ ,

નહીં તો નિરર્થક ગરજી-વરસી રહ્યો 'તે '.

                                 બેલા 10 નવેમ્બર 2018 

                                       12.30. પી.એમ. યુ.એસ.એ.