ઓ મા! તું દુર્ભાગી, હું ય દુર્ભાગી !
-તારો વછૂટ્યો,માણો અધિકાર ,
હું ય વછાયો , મારો પુત્ર અધિકાર !
-માતા, હર્ષે કરાવે સ્તનપાન ,
બાળ રીઝે ,કરી સ્તનપાન.
- મા, દેવકી,! તેં તો સહી વેદના ,
સાત સાત બાળ આવ્યાં તેવાં વધેરાયા ! !
ને આઠમો હું ,આવ્યો તેવો જ વિછોડાયો !
-મા! તું દુર્ભાગી, હું ય દુર્ભાગી !
ના તું કરાવી શકી સ્તનપાન,
ના હું પામ્યો એ રસ-લ્હાણ !
છતાં
બંધને બંધાઈ રહયાં બેઉ વિણ સંધાન !
સોચે "બેલા",જાણી, પરમાવતારની કરુણ કથા ;
તો તારા ભાગ્યની તો શી રહી વિસાત ! ?
20/11/2023
પ્લેઈનમાં, મુંબઈ જતાં , દુબઇ .
No comments:
Post a Comment