હું રાવણ !! લંકાધિપતિ લંકેશ !
ઇન્દ્રને હરાવનાર, કુબેરના ધનનો ધનેશ !
હા, મેં સીતાહરણ કર્યું, ગણાયો કામેશ !
છતાં, સંયમનો હું સદા રહ્યો બાંધેશ !
વિણ સ્વીકૃતિ, ના સ્પર્શ કર્યો મેં ,
રામે મેળવી, પવિત્ર સીતા, કેમ કે , હું હતો લંકેશ !
ના સ્ત્રી -વિષયભોગી,કોઈ નીચ લમ્પટેશ !
હું અભિમાની, પણ , મર્યાદાનો હું નરેશ .!
હતા દસ ચહેરા, દસ શિર વિશેષ !
સૌએ જોયાં ,જાણયાં,નહોતો હું કપટેશ !
સામે સૌંદર્ય, છતાં, સંયમથી હું રહ્યો બન્ધેશ !
અનુભવ્યું છે તમે, ઓ અધોમાનવ ભૉગ્યેશ ! ?
બતાવોને છે કોઈ રામ સરીખો એક-પત્નીવ્રતેશ ?!
કે, છે કોઈ રાવણ સરીખો આત્મ-સંયમેંશ ?
બાળો છો મને , મારા દસ માથાને , દુર્ગુણોને;
છતાં ય તમમાંથી થયો કોઈ મમ સરીખો નરેશ ?!
જાણતો હતો હું , રામ કરશે મારો ઉદ્ધાર,
માટે જ આપ્યું મેં . સીતા હરણનું કારણ ;
હું મોહિત, હું લજ્જીતનું લીધું બહાનું ,
થાકી સ્વયંવરનું બાણ ,શૂર્પણખા પણ બની મુજ સાથી સકારણ.
"બેલા" સુણી સવાલ, વિચારે, હજી કેટલી નિર્ભયા લૂંટાશે ?!
ઓ મર્યાદાહીન માનવ-ગીધેસ ?!?!
ગીધ પણ નોચે , મૃત શરીર,
આ તો , તેથી પણ નીચ કાર્યેશ ! ! !
14\10\2021
11,00 એમ
