અ
મારો કાનુડો આવ્યો છે ,દેવકીની કુંખે ,
એને વાસુદેવજી લઇ ચાલ્યાં નંદજીને ઘેરે .
આણી પેર મથુરા ,ને પેણી પેર ગોકુળિયું ;
વચમાં છે ,ધસમસતાં કાલિન્દીના નીર !
કારાગારથી નીકળી ,વટાવી વિટંબણા ,
ત્યારે આનંદ છાયો રે નંદજીને ઘેરે .
આજની ઘડી થઇ રળિયામણી ,
ને આલે સૌ , વ્હાલાની વધામણી .
ગોપ ગોપી નાચંતા આવે ,
સનકાદિક ફૂલ વેરે ,શંખ નાદે .
સુગંધી ફૂલની બિછાત પાથરી
"બેલા" ય વધાવે આનંદે .!
બેલા-૧૬\૮\૨૦૧૪
બ
કારાગારની કિલકારી ,
કૂજી ઊઠી ગોકુળમાં .
નંદ જસોદા ,બલરામ રોહિણી ;
ઝૂમી ઉઠ્યાં આનંદમાં .
"બેલા"ના ફૂલે સજાવ્યું છે પારણું.
ગોપ ગોપી નાચે,દઇ દઇ વધામણાં .
બેલા-૧૭\૮\૨૦૧૪
૫.૦૦.એ.એમ.
