-----કાનુડા ! તને જાણવો તે શી રીતે ?!
-----ગોકુળનો ગોવાળિયો કે જગતનિયંતા રૂપે ? !
-----ગોપીઓના કન્હૈયા રૂપે કે મથુરા નરેશ સ્વરૂપે ? !
-----કહેવાવ દ્વારકાનાથ,પણ, બેસે, ઉગ્રસેન, સિંહાસને !
-----ક્ષાત્રિય છોડ્યું જ.ન્મ ધરીને ,ને જીવ્યા ગોકુળના ગોપ બનીને !
-----છોડ્યું ગોકુળ , છોડી પ્રિય રાધા,ને છોડ્યું મથુરાને ;
-----વસ્યા દ્વારિકા અને ભમ્યા લોક સંગાથે !
-----નિષ્કામી કર્મી બની ,સૌ કર્મ કર્યાં સાક્ષભાવે !
-----અર્પવાની જ વૃત્તિ, અને સંતોષ હૈયે રાજે .
-----વિષપાન ,પ્રત્યક્ષ કર્યું, જટાધર શીવજીએ ;
-----તેં તો ગળ્યાં ઝેર વાક્બાણનાં , ! પ્રત્યેક મિષે !
-----અંતર-વેદના સમાવી, માંહ્યના ઊંડાણે ;
-----ને પ્રેમ-લ્હાણ કરી છુટ્ટે હાથે।
-----મહાપ્રજ્ઞ ,પણ, ગુરુ નહીં ,તું પૂજાય પૂર્ણ ભક્તિભાવે ,
-----મીરા, નરસિંહ ને વૈષ્ણવજન હુલાવી લાડ લડાવે !
તારો શામળો તો રળિયામણો , છોડ "બેલા" તર્ક-વિતર્કને ;
-----અને મહેકાવી દે , આંતરમન "એ"નું
------તારી પ્રેમભરી સુગંધે !
19\7\2020
3.30.પી.એમ.
No comments:
Post a Comment