બેબસ

  જીવનમાં કંઈ કેટલાંય આઘાત સહેતી આવી છું .

  છતાંય ,ગમ ભુલાવી સદાય હસતી આવી છું .

 આવશો તમે ક્યારેક,એ આશાએ મનને મનાવતી આવી છું ;

 તમે છો ;જેણે નજરે ય ના ઠેરવી છે ,

 છતાંય હૃદયમાં આશની છાબ  ભરતી આવી છું .

 શ્યામ સલોણા !આંખ્યુની અટારીએથી 

 તમ મિલનનાં શમણાં  સજાવતી આવી છું ;

 તમારી નફરત :જો હોય તો :

 એ ય ખમવા હામ ભીડતી આવી છું .

  અને તમારી શોહરતની પાંદડીઓને ,

  બેઉ હાથે લુટાવતી આવી છું ;

  આ બેબસ "બેલા" કદિ ય 

  તૂટશે નહીં,ઝુકશે નહીં ;

  તમે ય જાણો છો .

  યુગોથી તમને પુકારતી આવી છું .

બેલા \૭ ઓક્ટોબર ૨૦૧૨ \૧૨.૦૦ રાત