કા'નો ઝૂલે હિંડોળા ખાટ,
હળવેથી ઝોલો દેજો રે.
સાથ શોભે શ્રીજી, ધરી હાથ,
હળવેથી ઝોલો દેજો રે.
ચંદનકાષ્ટનો ઝૂલો રળિયામણો,
કોતરકામનો પોપટ હુલામણો;
મયુર-ટહુકા એ સાથ પુરાવ્યો,
ઝૂલાવો શ્રી-હરિની ખાટ--- હળવેથી....
શ્રાવણ સરવડાનો ઝણકે તંબુરો,
વીજ સંગે આજ ગાજે છે હાથિયો;
ઊડે, રાધે શ્યામનો હાસ્ય ફુવારો,
ઝૂલાવો શ્રી-હરિની ખાટ---હળવેથી....
કુંજવનેથી વાયુ લહેરાતો,
લલિતાસખિનો સાદ ખેંચી લાવતો;
"બેલા"ચમેલીની સૌરભ પ્રસરાવતો---હળવેથી...
કા'નો ઝૂલે હિંડોળા ખાટ, હળવેથી ઝોલો દેજો રે.
8/2/2026
No comments:
Post a Comment