Pages

હીરક દિન



    જિંદગીનાં પંચોતેર પગલાં
         પાર         પાડ્યાં .
    હસતાં,રમતાં,ભણતાં અને રડતાં .
    હવે ,આ છોંતેરમું  ડગલું !
           કેવું         હશે ?
   ભવ-ભૂગોળનાં નકશામાં ,
   શું દોરાયું હશે ?


   એક વાત બની ,આ ,
   પંચોતેરમાં પગલામાં .
   આ મન -માંકડાની ઈચ્છા પૂર્તિની .
   મન હંમેશ ઊછળતું -વિચારતું ;
   ક્યારેક દુનિયાના કોઈક ખૂણે 
   કોઈક તો મને સાંભળે !
   કોઈક તો મને વાંચે !
   મારુંય જરાક અમસ્તું નામ થાય!

          અને લો !
   મારો શામળો ,અનિલ બનીને ,
   લહેરાયો .અને ,
   મારી -બેલાની -સુવાસ 
   જગત ભરમાં ફેલાવી .!

         હે ઈશ !
   હવે સહુનાં કલ્યાણ સિવાય 
   કાંઈ જ ઈચ્છા નથી .
   હવે તો જે કાંઈ દેહ ધર્મ-કર્મ 
   બાકી હોય તે ,
   તારાં ધ્યાનમાં મગ્ન રહી 
   પૂરાં કરું .અને 
   તારી સમીપે -તને ભેટવા ,
   મારગ સાફ સુથરો કર્યે જાઉં ;
         મારા    શ્યામ !
  બેલા \૨૫સપ્ટે.૨૦૧૨ \૭.૪૫.એ.એમ. યુ.એસ.એ .


Bela ni Vadi (Volume 1) (Gujarati Edition)b

No comments:

Post a Comment