શીવ

    શીવ ભોલેનાથ,શીવ રુદ્રહાક .

    શીવ સ્મશાનવાસી 

    શીવ ભસ્માંગધારી 

    જટાધારી જોગી શીવ .

           એ શીવ 

     શોભાવે ,સૌન્દર્ય-શિરમોર બીજ ચંદ્રને 

     ધરી મસ્તકે ,મુકુટ રૂપે .

     વહાવતા ગંગા શાશ્વતી ,શીવ 

     કાલસર્પ વિજયી શીવ.

     ઈડા,પિંગલા સુષુમ્ણા,અને,

     સત્વ,રજસ,તમસના વિજેતા શીવ. 

     અજન્મા ,અનાદિ-અનંત શીવ .

     ભુત-પ્રેત સંગે વિહરતા 

                પણ 

     વામાંગે સ્થિત ઉમાને 

     હર્ષાવતા શીવ 

     અઘોર તપસ્વી, છતાં 

     નૃત્યના આદ્ય દેવ શીવ .

     લાસ્ય-તાંડવ વચ્ચે 

     હાસ્ય-રુદ્ર્તા વચ્ચે 

    સમતુલા ધરાવતા શીવ .

               એથી જ 

     દેવાધિદેવ -મહાદેવ છે 

                  શીવ .

                        બેલા\૧૦\૩\૧૩\૪.૦૦ પી.એમ